REGINA VIARUM E DON BERNARDINO OS GRANDES TRIUNFADORES DA CATA DE VIÑOS DA D.O. RIBEIRA SACRA CELEBRADA NO CENTRO DO VIÑO.

O panel de cata rematou o seu traballo!

Os viños de Regina Viarum e Dn Bernardino son os grades triunfadores da 2ª edición da Cata Concurso de Viños “Patrimonio Ribeira Sacra” celebrada entre onte venres e na maña deste sábado no Centro do Viño. Estas dúas adegas repártense 6 dos 7 premios “Gran Patrimonio Ribeira Sacra” equivalentes a medalla de ouro e recibirán tamén 3 trofeos “Patrimonio Ribeira Sacra” equivalentes a medalla de prata. Dous Regina Viarum e o terceiro a adega de Dn Bernardino coa marca Finca Mezquita.

DSC08110.JPG

Os viños Dn. Bernardino reciben premio “Gran Patrimonio Ribeira Sacra “ nas categorias de tintos 2014, barricas e outras añadas, e magnum. . No caso de Regina Viarum reciben a máxima distinción o tinto 2014, o Regina Viarum Expresión en tinto barrica e outras añadas e o Regina Viarum Godello.

Na mesma categoria de brancos o outro premio “Gran Patrimonio Ribeira Sacra” é para Abadia da Cova Alvariño. E son brancos “Patrimonio Ribeira Sacra” trofeo equivalente a medalla de prata, Viña Garoña, Abadía da Cova godello, Velúveyra e Sollio.

En tintos 2014 son “Patrimonio Ribeira Sacra” Os Cipreses, Alba Ponce, Finca Cuarta, Guímaro e Moreiras Selección.

En tintos barrica e outras añadas o segundo posto que representa o trofeo “Patrimonio Ribeira Sacra” é para Proencia, Regina Viarum Ecolóxico, Finca Mezquita e Sombrero.

Na categoría de “Magnum” os segundos premios son para Regina Viarum e Finca Cuarta.

En total repartíronse 22 premios que as adegas gañadoras recibirán próximamente nun acto con data ainda por determinar. Nestes intres, en colaboración do IES Daviña Rey, o Centro do Viño traballa na impresión en 3D dos trofeos correspondentes.

A Cata Concurso de Viños “Patrimonio Ribeira Sacra” está organizada polo Centro do Viño da Ribeira Sacra en colaboración da Asociación Galega de Enólogos. O obxetivo da iniciativa é promocionar os viños da D.O. Ribeira Sacra, reivindicar tamén a través deste acto, que a zona sexa declarada “Patrimonio da Humanidade” e homenaxear os viticultores e adegueiros polo esforzo que realizan o longo do ano para conseguir viños cada vez de maior calidade.

DSC08072.JPG

O panel de Cata estivo formando por unha vintena de enólogos das propias adegas da D.O Ribeira Sacra e da Asociación Galega de Enólogos, todos eles enólogos habilitados, un técnico do CRDORS, e como presidente do xurado estará o director da Estación de Viticultura e Enoloxía de Galicia que colabora tamén na organización deste evento.

Destacan os membros do panel de cata a boa evolución dos viños catados e o alto nivel dos mesmos, sobre todo nos brancos ainda que deste poucos se presentaron por que a maioría das adegas téñeno esgotado. As puntuacións que deron foron máis altas que as do pasado ano en todalas categorías e a final moi axustada, “moi poucas décimas marcaron a diferencia entre os viños premiados e moitos dos que quedaron as portas”, aseguran dende a organización.

DSC08122.JPG

A cata celebrouse no Espazo Museístico do Centro do Viño. Nela participaron 109 viños de 49 adegas da D.O Ribeira Sacra. O venres celebrouse a precata e a fase final do sábado pasaron 43 viños.14 tintos xóves, 12 barricas e de outras añadas, 8 brancos e o resto magnum.

DSC08116.JPG

Dende o Centro do Viño agradécese a colaboración de todalas adegas participantes e de todolos integrante do panel de cata asi como do sumiller Bruno Lovelle, @Vinosacra, que se encargou do servizo xunto co persoal do Centro.

2ª Edición da Cata Concurso de Viños “Patrimonio Ribeira Sacra” no Centro do Viño.

Venres 27 e sábado día 28 de novembro. Unha vintena de enólogos serán os encargados de catar os 109 viños participantes de 49 adegas da D.O Ribeira Sacra.
O obxetivo desta iniciativa que promove o Centro do Viño e a Asociación de Enólogos de Galicia é promocionar os viños desta denominación e a súa vez, recoñecer o traballo e o esforzo que viticultores e adegueiros realizan o longo do ano practicando “viticultura heróica”.

Habitualmente as catas realízanse no primeiro semestre do ano, cando o viño novo está saíndo ao mercado. Niste caso realízase a cata co ano a piques de rematar para someter os viños participantes a unha nova prova de calidade e analizar como evolucionan co paso do tempo. Cátanse viños embotellados, que estan en tenda a venda, a disposición do consumidor, en vez de mostras solicitadas ás adegas, como se fai habitualmente.

Neste concurso establecense catro categorías:
Tintos 2014, Tintos Barrica e Outras Añadas, Brancos e Magnum.
Premios:
Obterán trofeo “Gran Patrimonio Ribeira Sacra”
Os 2 viños con mellor puntuación en cada unha das categorías de Tintos e Brancos da colleita 2014.
O viño con mellor puntuación en cada unha das categorías Tinto Outras Añadas e Magnum
Obterán mención Patrimonio Ribeira Sacra
Os 4 viños que obteñan as 3ª,4ª, 5ª e 6ª mellor puntuación na categoría Tinto Colleita 2014.
Os dous viños que obteñan as 3ª e 4ª mellor puntuación nas categorías Brancos e Tintos outras Añadas.
Os 2 viños que obteñan a 2ªe 3ª mellor puntuación en cada unha das categorías Tintos outras añadas e Magnum.

En xogo 21 trofeos. 7 “Gran Patrimonio” equivalente a medalla de ouro e o resto “Patrimonio”, equivalente a medalla de prata. Os “Gran Patrimonio” recibirán trofeo, deseño do propio Centro (que se recolle no cartel publicitario do evento), elaborado en impresora 3D, igual que o pasado ano, e para o que nista ocasión se conta coa colaboración do IES Daviña Rey.

O panel de Cata estará formando por unha vintena de enólogos das propias adegas da D.O Ribeira Sacra e da Asociación Galega de Enólogos, todos eles enólogos habilitados, un técnico do CRDORS, e como presidente do xurado estará o director da Estación de Viticultura e Enoloxía de Galicia que colabora tamén na organización deste evento.
A cata terá lugar no Espazo Museístico do Centro do Viño de Monforte.

O venres día 27 o longo de toda a xornada celebrarase a precata e a cata final será o sábado pola mañá.

A cata é aberta ao público que desexe coñecer de primeira man como se realiza unha actividade destas características, como e qué se puntua en cada unha das mostras que participan da cata.do Consello Regulador da Denominación de Orixe Ribeira Sacra, do Consorcio Turistico, e outras institucións.

Xornada Micolóxica de recolección e degustación de cogomelos e viños da Ribeira Sacra.

O Centro do Viño da Ribeira Sacra organiza unha xornada micolóxica de recolección, degustación e maridaxe de cogomelos e viños da Ribeira Sacra. Será o domingo 25 de Outubro a partir das 10 da mañá.
Con esta iniciativa dende o Centro do Viño preténdese facilitar aos participantes a posibilidade de incrementar coñecementos sobre os cogomelos, como diferencialos e clasificalos, por medio dunha saída ó campo para recolectalos acompañados por un especialista na materia.
A Xornada inclúe almorzo, charla técnica introductoria, entrega de documentación, xantar, visita explicada ao Centro de Interpretación, introducción á cata de viños, e degustación de pratos con cogomelos maridados con viños da D.O. Ribeira Sacra.
En definitiva, un achegamento ós sabores do outono, dende a orixe á presentación final do producto no prato harmonizados cos nosos viños. Para a elaboración dos pratos contaremos coa presenza de cociñeiros profesionáis de prestixiosos restaurantes.
Esta xornada estará impartida por Carlos Pérez, de Terras de Maria Castaña, Técnico Superior na Organización e Xestión dos Recursos Naturáis e Paisaxísticos.
As prazas son limitadas e o prezo de inscripción é de 30 €. Para máis información os interesados deben dirixirse ao Centro do Viño da Ribeira Sacra ou no teléfono 982 105 303.

sabores-do-outono

CATA DE UVAS DE VARIEDADES TINTAS E DE VIÑOS ELABORADOS CON ELAS.

Aproveitando a época de vendimas na que nos atopamos,e tendo enconta a boa acollida que sempre tivo esta actividade, por terceiro ano consecutivo, o Centro do Viño da Ribeira Sacra prepara unha nova cata de uvas. A diferencia das anteriores, esta será unha cata especial xa que ademáis de catar uvas, catarase tamén o viño monovarietal que se elabora con cada unha das variedades seleccionadas e que nista ocasión serán todas variedades tintas.

A cata farase con uvas das variedades Mencía, Merenzao, Brancellao, Garnacha, Sousón, Caiño e Tempranillo. Como ademáis das uvas, a proposta deste ano pasa por ir catando tamén os viños que se elaboran tras vinificar cada unha das variedades citadas, seleccionáronse para este acto, viños representativos de cada unha delas, e de case todalas zonas vitícolas de Galicia, incluida por suposto a Ribeira Sacra.

Elaboracións moi coidadas e mimadas polos adegueiros. Algunhas case experimentais. A maioría viños de producción limitada, viños exclusivos, de alta gama, polo que esta cata se presenta como unha ocasión única para degustalos e coñecer mellor as características de cada un deles así como da uva coa que foron elaborados. Unha boa maneira de comparar a orixe do producto e o resultado final.

Selecciónáronse para a cata as variedades de uvas tintas máis empregadas para elaborar viño en Galicia co fin de profundizar no seu coñecemento. Algunha moi coñecida como a Mencía, pero outras non tanto por elo, co fin de aprender a distinguilas e aprecialas mellor, con cada uva que se analize catarase un viño desa mesma variedade para deste xeito, comprobar o resultado da súa vinificación e os cambios que se producen nese proceso.

A cata terá lugar no Centro do Viño da Ribeira Sacra, na Rua do Comercio, nº6 de Monforte de Lemos. Será o sábado día 19 de setembro ás 18:00 horas. Estará dirixida por Alfonso Losada Quiroga, Xefe de Enoloxía da Estación de Viticultura e Enoloxía de Galicia. As uvas da cata serán seleccionadas nos cultivos de variedades que ten a propia Estación en Leiro.

O prezo de inscripción é de 15 euros e as prazas son limitadas polo que os interesados en participar deben inscribirse canto antes no Centro do Viño.

Máis información no teléfono 982 105 303.

cata-de-uvas-e-vinos (2)

O CENTRO DO VIÑO CO PATRIMONIO DA RIBEIRA SACRA.

Este sábado día 12 de setembro no Centro do Viño ás 7 da tarde, a Asociación “O Sorriso de Daniel” presenta un documental sobre San Paio de Abeleda. Acollendo esta proxección, o Centro do Viño, segue colaborando coas actividades que, por iniciativa propia ou de outras asociacións e colectivos, serven para poñer en valor o Patrimonio Cultural e Artístico da Riberia Sacra.
“A memoria de Abeleda” é un traballo audiovisual de Iria Puga, duns 25 minutos de duración, que conta co patrocinio da Universidade da Coruña, e que pretende poñer de manifesto o valor dun dos edificios máis importantes da Ribeira Sacra que dorme na ruina e no abandono. Aborda tamén a necesidade de seguir traballando pola súa recuperación, como esta facendo a asociación O Sorriso de Daniel, que dende o 2010, está implicada na defensa da conservación do patrimonio románico galego e a súa difusión.
IMG_0137
Con esta proxección que se vai facer no salón de actos do Centro do Viño o sábado ás 7 da tarde, a Asociación “O Sorriso de Daniel” pechará unha ampla xornada de actividades que teñen previsto desenvolver en varios escenarios da Ribeira Sacra e todas elas abertas ao público e que se pode.
11951751_988439854509563_1628527651272212678_n[1]

AGOSTO CONSOLIDA O TURISMO NA RIBEIRA SACRA.

O mes de agosto foi un bo mes para o turismo en Monforte. No Centro do Viño foron atendidas 4.666 persoas. Pola oficina de turismo, ubicada neste Centro, pasaron a pedir información 3.970 turistas, 329 máis que no mesmo mes do pasado ano.

Tamén aumentou en 236 o número de visitantes ao Espazo Museístico pasando de 460 no mes de agosto do pasado ano, a 696 neste. Non se contabiliza a xente que entra na tenda do Centro, só a da oficina de turismo e a que sube a visitalo museo.

Un museo que pretende, mediante unha innovadora exposición permanente, adentrar ao visitante nos elementos naturais propios da Ribeira Sacra explicando en cada visita a importancia de cada un deles. Unha viaxe polo patrimonio artístico, histórico e natural dun territorio que sorprende ao turista e que gaña cada día máis adeptos a medida tamén que os viños da zona son cada vez máis aclamados internacionalmente.

O Centro do Viño no seu conxunto, con todolos servizos que oferta, tense convertido nun espazo de referencia para a recepción de visitantes e preséntase como un bo punto de partida para descubrilo resto do territorio Ribeira Sacra.

1514989_673199036145184_8640504118383704055_n[1]

Ven xente a zona atraída polo enoturismo, interesada en coñecer adegas e zona de produción. A paisaxe que forman os bancais non deixa indiferente a ninguén e descubrilos dende os miradores ou nas viaxes dos catamaráns é un dos principais reclamos turísticos. Mosteiros e igrexas románicas seguen sendo tamén importante foco de atracción e agradecen os visitantes as rutas establecidas para coñecer mellor este rico patrimonio artístico.

Paisaxe, arte e viño traen esta zona turistas, de cada vez máis dispar procedencia. Como curiosidade decir que o pasado ano, falando de turismo extranxeiro, foron os franceses os que máis visitaron estas terras. Este pasado mes de agosto seguiron a gañar os franceses. 130 turistas deste veciño país pasaron pola oficina de turismo a pedir información sobre os principais recursos turísticos a visitar na Ribeira Sacra. Moitos deles aproveitaron para visitar tamén o Centro do Viño, agradecendo o feito de ser atendidos na súa propia lingua. Ademáis de galego e castelán, aténdese a xente en inglés, francés e italiano.

Reino Unido sería o segundo país de procedencia dos turistas extranxeiros que pasaron en agosto pola oficina de turismo de Monforte. Séguenlle os prodecentes de América Latina e en menor medida chegou xente de Alemania, Portugal, Italia, Bélgica, Estados Unidos, Canadá, Suiza, Holanda, Escocia, Rusia, Australia e Andorra. Como curiosidade pasou tamén xente de Arxelia, Marrocos e Exipto.  En total viaxeiros de ata unha vintena de países.

Respecto o turismo nacional, pasaron pola oficina de turismo de Monforte xente de 50 provincias diferentes. Niste caso o maior número prodecente de Madrid con 780 persoas, de Barcelona 697, de Valencia foron atendidas 162 persoas, 144 de Vizcaya e 134 de Sevilla, por citar as procedencias que máis se repetiron. Como curiosidade, atendéronse 2 veciños de Melilla. E das illas, entre xente de Canarias e de Baleares, suben do medio cento as persoas con esa procedencia.

Tamén os galegos apostan no mes de agosto por descubrir Ribeira Sacra e na procupara de información dos recursos turísticos da zona, pasaron pola oficina do Centro do Viño, 215 Coruñeses, 159 de Pontevedra e 104 veciños de Lugo e 51 de Ourense.

A estancia media segue mellorando situándose en agosto nos 5 días. Hoteles, paradores, balneario e casas de turismo rural son os principais lugares de aloxamento da xente que visita a zona pero mantense turismo de autocaravana e increméntase o número dos que alugan piso para gozar das vacacións. Neste caso, son básicamente, os que permanecen máis tempo que a media.

Cabe sinalar tamén que preto de 200 persoas, das atendidas en agosto na oficina de turismo, tiñan en Monforte ou comarca familia ou casa propia.

O CENTRO DO VIÑO COS CREADORES DA RIBEIRA SACRA.

No Centro do Viño da Ribeira Sacra inaugúrase este xoves día 9 de xullo ás 21:00 horas unha Exposición  Colectiva que leva por título: “Creacións Interiores:artistas da Ribeira Sacra”. 

Trátase da segunda edición dunha Mostra Multidisciplinar que se organiza no Centro co obxetivo de amosar o potencial creativo que hai neste espazo xeográfico do interior galego. A exposición, comisariada por Humberto Loureiro, que naceu con vocación de continuidade, acadara na primeira edición grande éxito, tanto por parte do público como polo número de creadores participantes que foran 12.

Nesta ocasión increméntase a cifra e expóñense traballos realizados por 17 artistas con variada temática e diferentes técnicas: pintura, escultura, fotografías, video creacións… traballos de creadores que teñen como nexo de unión pertencer ou residir na Ribeira Sacra. Novos valores da cultura contemporánea pero tamén recoñecidos artistas de amplo bagaxe.

Esta zona é berce de numerosos artistas e creadores en moi diversos ámbitos así que de novo queda fora da exposición xente con traxectoria e exitosos traballos. É preciso acotar polas propias características do espazo no que se monta a mostra, a galería do Centro do Viño, polo que o obxetivo é seguir organizando exposicións destas características no futuro.

Unha vez máis a selección vén dada pola proximidade, a amizade ou o traballo en común que moitos dos participantes realizan, que seguen convencidos de que hai que poñer en valor esta zona como importante centro de creación artística.

Un espazo xeográfico ben nutrido de creadores como se pode ver nesta exposición que se abre ao público este xoves día 9 de xullo e da que participarán os seguintes artistas:   HUMBERTO LOUREIRO, SOL OCAMPO, SARA ALVAREZ,  MANUEL VALCARCEL, SANTIAGO COVELO,  PEPE BARXA, PRIMITIVO LAREU, RANDOLFE VILARIÑO, ANTON LOPO, ARTURO CEIDE, BEA PEREZ,  CRISTYLANDIA, JUAN JOSE LOMARTI, MICHELIN RODRIGUEZ,  ANDREA RODRIGUEZ LOPEZ, RAMON CASANOVA,  OM RA (Ricardo dos Santos), GELÍN.

Coa finalidade de dar a coñecer o traballo de todos estes creadores móntase esta exposición na que conflúen no Centro do Viño da Ribeira Sacra distintos traballos artístico.

Esta mostra, que poderá ser visitada na Galería do Centro do Viño ata o 30 de agosto, amósanos a riqueza de formas de expresión que se dan por estas terras. Diversidade de técnicas, estilos e disciplinas en base os distintos autores participantes os que o Centro agradece a súa colaboración e participación.

cartel ARS 2015 copia