Vel’ Uveyra Mencía 2012 da D.O. Ribeira Sacra considerado un dos mellores tintos de España será presentado este xoves no Centro do Viño.

   O Centro do Viño da Ribeira Sacra  acolle este xoves día 30 de Xaneiro a presentación dos viños Vel’ Uveyra Mencía 2012  e Vel’ Uveyra  Godello.

Imagen

Viños aplaudidos pola crítica especializada e que contan xa con numerosos galardóns. O último recoñecemento chegoulle a pasada semana, o martes día 21, na XXIII edición do Concurso “La Nariz de Oro”, celebrado no Hostal dos Reyes Católicos en Santiago de Compostela.  Neste  mítico concurso que premia o sumiller capaz de distinguir un viño nunha copa negra guiado só polo seu olfacto, os profesionais participantes elexiron os viños que pasan a “Final Nacional de los Mejores Vinos de España”, que se  celebrará  no mes de xuño en Madrid.  Vel’ Uveyra Mencía  foi un dos 13 viños  clasificados para esta  final na categoría de  mellores tintos con máis de nove meses de Crianza.

Imagen

  O viño Vel’ Uveyra foi tamén premio Excelencia Cervim 2013 no 21º Concurso Internacional de Viños de Montaña celebrado en Aosta o pasado verán.  Un premio que se outorga á adega que obtén o mellor resultado calculando a suma das puntuacións máis altas  referidas a 3 viños inscritos en 3 categorías diferentes.  A adega  elaboradora destes viños, Ronsel do Sil, acadou por elo o Premio Excelencia Cervim sendo o Vel’Uveyra Mencía o mellor puntuado. 

Imagen

   A adega Ronsel do Sil está situada nunha paraxe case deshabitada do concello ourensán de Parada de Sil. Pertence a Denominación de Orixe Ribeira Sacra, a Subzona de Ribeiras de Sil. Ronsel do Sil   é unha  sociedade  fundada no 2010  co obxetivo de elaborar viños de alta calidade  apostando pola  viticultura tradicional  respetando a paixase e a cultura do Viño que hai na Ribeira Sacra. Tratan de trasladar á botella viticultura ligada á terra cunha mínima intervención. O  resultado son viños frutais de gran viveza e frescura, expresivos e equilibrados. 

Imagen

   De  presentar estes viños  encargarase, en representación da adega, María José Yravedra, unha arquitecta madrileña que coa  posta en marcha deste proxecto vitícola  convertiu en realidade un sono que levaba anos perseguindo.  Delo falará este xoves día 30 de Xaneiro na Vinoteca do Centro do Viño da Ribeira Sacra a partir das 20:00 horas. Unha boa ocasión para degustar e coñecer algo máis destes premiados viños.

 Imagen

Anuncios

O Centro do Viño acolle este xoves día 23 de Xaneiro a presentación dos viños da adega “Os Cipreses” da Subzona de Chantada.

   Os viños dunha das adegas máis características da Denominación de Orixe Ribeira Sacra na Subzona de Chantada “Os Cipreses”, serán presentados este xoves día 23 de Xaneiro a partir das 20:00 horas na vinoteca do Centro. Trátase de dous viños  elaborados pola citada adega  na parroquia de San Fiz, en Chantada.

ImagenImagen

   No acto participará Cristina Vázquez en representación  do Grupo Rabelas S.L. o  que pertence esta  adega, e o enólogo da mesma, Roberto Regal. Presentarán o  tinto xove elaborado con Mencía e Tempranillo  que comercializan co nome da adega,  “Os Cipreses”, e o viño de garda, cen por cen Mencía, que denominan “Cypressus”.  Esta última marca “vestida” cunha das últimas  obras de arte  feitas, pouco antes do seu paramento,  polo recoñecido pintor coruñés Jorge Peteiro quen lles fixera  xa a etiqueta do viño branco.

 Imagen

    A adega “Os Cipreses”  produce entorno as 9.000 botellas de viño, entre tinto e branco, e conta cunha longa traxectoria familiar vencellada o mundo da viticultura. As viñas das que recolle as uvas estan situadas entorno a adega ubicada nun lugar privilexiado, cunhas fantásticas vistas,  na espectacular “subida” hacia Chantada  e perfectamente identificada polo Ciprés que ten ao seu lado e que dá nome a propia adega e os viños que nela se elaboran.

 ImagenImagen

    Unha adega que rexurdiu das súas propias cinzas  despois  dun incendio que sufriu a finais de Xaneiro do 2006.  Reconstruíuse unindo tradición e vangarda, mantendo os elementos centenarios que a conformaban  conxugados con modernas solucións arquitectónicas.  Coidada estética na construcción e aposta polo respeto ao medio  convertíndose na primeira adega da Denominación de Orixe Ribeira Sacra en  contar co selo “pegada do carbono” para os seus viños, un distintivo que certifica  que é mínima a cantidade de gases  de efecto invernadoiro que expulsa á atmósfera  en todo o  proceso de elaboración, que están por debaixo dos parámetros habituais no sector.  É dicir, que a produción de “Os Cipreses” é sostible e respetuosa co medio ambiente.

 Imagen

   Os responsables desta  adega dín que neste lugar nacen uns viños  nos que se poden disfrutar todolos matices  que oferta a Ribeira Sacra de Chantada. Esto é o que vamos a poder comprobar este xoves, día 23 de Xaneiro a partir das 20:00 horas, na vinoteca do Centro do Viño, nunha presentación na que teremos de novo a ocasión de maridar  este viño da Ribeira Sacra con queixo de Queserias Prado.

 

O Centro do Viño da Ribeira Sacra acollerá a partir do martes día 21 de Xaneiro unha exposición de fotografía de Iván Merallo. A inauguración será o martes día 21 de Xaneiro as 20:00 horas.

O propio autor, Iván Merallo, explícanos algo máis sobre a historia da mostra:

O PUNTO DE PARTIDA

O tres de outubro de mil novecentos corenta e un, ás dez da mañá, o campo do Freixo era un fervedoiro de persoas. Ducias de homes e mulleres agrupábanse ás beiras da vía do ferrocarril para contemplar o espectáculo e convertérense así en testemuñas da historia.

Manuel Pérez Goyanes era un factor da compañía Ferrocarriles del Norte, de corenta anos de idade. Accidentalmente dirixiu un tren de mercancías cara unha vía ocupada, provocando o choque do convoi. O accidente fortuíto saldouse cuns estragos valorados en dezasete mil pesetas da época e ningún morto nin ferido. Mais a frustración franquista, chea de desconfianzas e pantasmas, e alimentada por intereses particulares, quixo ver en Manuel un sabotador da resistencia á ditadura. O ferroviario foi convertido no bode expiatorio co que demostrar a dureza dun réxime ilexítimo. Un tribunal militar xulgouno por sabotaxe. Foi condenado a morte e fusilado.

O campo do Freixo é hoxe un lameiro frío e húmido partido en dúas metades pola estrada N-120. A sensación que produce é de abandono. Unha mestura de soidade e tristeza, reforzada polas silvas que comen os muros e se multiplican polas beiras da pista que o percorre. Se cadra a impresión que transmite non é máis que a propia do desuso, do abandono das terras e dun xeito de vida. Ou se cadra, é porque neste lugar consumouse a derradeira execución pública do fascismo na vila de Monforte de Lemos.

Velaquí o retratado; o lugar de partida deste traballo.

Esta serie de fotografías pretenden rescatar unha historia, como tantas, silenciada. Convertela nunha historia recuperada. Un relato destinado tanto a quen queira coñecelo como a quen non queira esquecelo. Unha lembranza imposíbel de setenta e dous anos atrás.

AS FOTOGRAFÍAS
A exposición está composta por trece imaxes panorámicas que parten dun campo desenfocado, da dificultade para pousar a mirada. Conxecturas dos derradeiros cheiros, do frío do condenado a morte. Instantáneas posíbeis dunha última ollada; da visión atropelada de alguén obrigado a se despedir ás présas. Lembranzas dunha morte indigna. Apenas ferruxe e confusión.

No medio da confusión, uns pequenos puntos enfocados, a constatación da morte. E, como pano de fondo, un entorno decadente ciscado de malas herbas. A vexetación, como a vida dunha persoa, pode ás veces chegar a ser indesexábel para algunha xente. Como a maleza.

Imagen

Coa presentación dos viños “Cruceiro” e “Cruceiro Rexio” o Centro do Viño recupera as presentacións semanais de viños da Ribeira Sacra.

Despois do descanso feito, por mor das festas de Nadal e Ano Novo, nas presentacións  semanais que estaba realizando o Centro do Viño, este xoves día 16  recupera actividade co fin de seguir dando a coñecer os viños que se elaboran na Denominación de Orixe Ribeira Sacra. 

Este xoves día 16 de Xaneiro, a partir das 20:00 horas na vinoteca do Centro,  teremos ocasión de degustar  e coñecer algo máis sobre as elaboracións que realiza a adega Cruceiro, na Subzona de Amandi.

O adegueiro Ramón Marcos Fernández presentará “Cruceiro” xove e o viño que elabora en barrica, “Cruceiro Rexio”. 

ImagenImagen

Nesta primeira presentación que facemos no 2014 estaremos acompañados doutra empresa que,  ao igual que os viños, leva o nome de Monforte e a Ribeira Sacra por toda España e mesmo fora das nosas fronteiras, “Queserias Prado”,  que facilitará a partir de agora os seus queixos para maridar co viño de esta Denominación de Orixe nas presentacións que  se fagan no Centro.

A adega Cruceiro,  de Ramón Marcos Fernández, está situada  nunha das zonas  máis representativas da Denominación de Orixe Ribeira Sacra, a subzona de Amandi, no concello de Sober.

Trátase dunha adega, de marcado carácter familiar e artesanal, fundada fai algo máis de vinte anos e que produce entorno os 25 mil litros de viño entre Mencía Xove, branco e viño de garda. 

O viño Cruceiro xove está elaborado con uva Mencía, Albarello e Caíño. A inmensa maioría é de produción propia e toda ela  colleitada na zona de Amandi.

Cruceiro Rexio  é a última incorporación que esta adega fixo o catálogo de viños que comercializa. Saíu ao mercado no 2009. É froito dunha coidadosa selección  da uva Mencía, dun esmerado control durante o proceso da fermentación  e do envellecemento, durante un mínimo de seis meses, en Barrica de Carballo Francés.

Este xoves día 16, a partir das 20:00 horas, no Centro do Viño, da man do adegueiro Ramón Marcos Fernández, teremos ocasión de coñecer algo máis  sobre esta adega e sobre as súas elaboracións, premiadas en numerosas ocasións a nivel local, autonómico, nacional e internacionalmente, e en concreto sobre os dous viños referidos: “Cruceiro” e “Cruceiro Rexio”.  Viños que se catarán e comentarán  e que nista ocasión “maridaremos” con outro  producto da zona, o queixo de Queserias Prado.

 

O CENTRO DO VIÑO ESTREA O 2014 CUNHA CATA COMENTADA CON VIÑOS DA RIBEIRA SACRA PREMIADOS O LONGO DO PASADO ANO.

O 2013 foi un bo ano para os viños da Denominación de Orixe Ribeira Sacra. Seguiron obtendo premios e recoñecementos a nivel local, autonómico, nacional e internacional.  Por  este motivo no Centro do Viño queremos empezar o 2014  cunha cata comentada coas marcas distinguidas ao longo do ano que ven de rematar.

Unha cata que nos permitirá coñecer algo máis os viños premiados en feiras e catas desenvoltas en diversos ámbitos así como os mellor puntuados en guías como a de Parker, Peñin, ou mesmo a Guía de Viños e Augardentes de Galicia.  Unha cata especial, aberta a todolos públicos , que terá  lugar o  venres día 10 de Xaneiro de 2014 a partir das 20:00 horas.  O acto estará dirixido polo enólogo Alfonso Losada Quiroga, xefe da sección de enoloxia en Evega. 

Os interesados en participar terán a oportunidade de provar ás cegas os viños seleccionados  para logo analizar e comentar as características de cada un deles.

 A cata desenvolverase no salón de actos do Centro do Viño. O prazo de  inscripción remata o venres día 10 de Xaneiro as 14:00 horas. O custo é de 20 Euros.   

ImagenImagenImagen

Con esta cata estreamos as actividades  do novo ano.  Mentres,  segue exposta o público, con grade éxito de visitas, a mostra multidisciplinar de  Artistas da Ribeira Sacra: “Creacións Interiores”. Pintura, fotografía e escultura que se poderán visitar na Galeria do Centro do Viño ata o día 16 de Xaneiro.  Unha exposición con traballos dunha dúcia de artistas que chama atención dos veciños de Monforte e comarca pero tamén dos turistas que estes días se achegan a visitar o Centro.

 ImagenImagen

 Polo espazo museístico do Centro do Viño  pasaron no mes de Decembro 115 persoas. Formaron parte dalgunha das visitas  guíadas que se fixeron  no Centro o pasado mes.  Cifra hai que sumar outras 489 máis que se achegaron a oficina de turismo, ubicada no Centro do Viño, a pedir información sobre lugares a visitar en Monforte e resto da Ribeira Sacra.   

Imagen

No  mes de Decembro visitáronnos sobre todo xente  de Pontevedra e Coruña, en menor medida de Ourense e outros puntos da provincia de Lugo.  Respecto a outras comunidades, achegáronse a zona sobre todo Asturianos, xente de León e de Palencia. 

O mes de Decembro foi tamén un mes  de moito turista procedente de Portugal, xunto a ingléses e americanos. 

 De Monforte pasaron pola oficina de turismo 90 persoas interesadas en coñecer lugares que ensinar a familiares e amigos que  agardaban recibir no Nadal.